Марий Эл ден пошкудо кундемла коклаште чек рашемеш
Идалык мучаш марте Марий Эл ден Чуваший да Татарстан коклаште чекым рашемден ончыктымо паша мучашлалтшаш. Шукерте огыл тудым эртарышым палемдаш аукцион эртен. Сеҥышыш «Земля» ушем лектын. Рашемдыме увер варажым единый кугыжаныш реестрыш пурталтеш. Тидыже объект-влакым кадастр учётыш налме годым законодательствын чыла йодмыжым шотыш налаш полша. Адакшым чек кундемыште мланде участкым ойырымо годым ӱчашымаш деч кораҥаш полша.
