«Ший кандыра» уэш кушташ ӱжеш
10-шо августышто Башкортостанысе Калтаса селаште эрвел марий- влакын куштымашыштын «Ший кандыра» регион- влак кокласе фестивальышт лиеш. Тений тудо кок номинаций дене эрта: калык куштымаш да сценыште куштымаш. Йоча коллектив да изи артист- влаклан посна номинаций лиеш. Тиддеч посна Фестивальын почётан меценатшым, спонсоржым, кидмастаржым, пайрем оралтыжым ойырат. Пайремым эртараш Башкортостанын тӱвыра министерствыже, Калык- влак келшымаш пӧртшӧ, район администраций, «Эрвел марий» калыкле-тӱвыра автономий, Марий Элысе калык усталык рӱдер полшат.
