Марий Элыште шыл ситышын уло
Тенийсе икымше пелийыште шылым ыштен налме дене рейтингыште Марий Эл Россий мучко 13-шо верыш лектын. Шымлымашке элысе 85 субъект ушнен. Спискыште ончылно ӱшанлык Белгород область верланен. Тушто пелийыште 870 утла тӱжем тонн продуктым ыштен луктыныт. Тудын почеш Ставрополь край ден Воронеж область каят- 273 да 270 тӱжем тонн шылым ыштен налыныт. Марий Эл пелийыште 163 тӱжем тонн шылым ямдылен. Пытартыш 85-ше верыште Санкт Петербург верланен. Молан манаш гын,тушто шыл сатум йӧршынат ыштен огытыл.
