Приволжский посёлкышто кужун чоҥымо ФОК-ым республикын лӱмгечыжлан ыштен шуктымо лиеш
Волжский районысо Приволжский посёлкышто физкультура да тазалыкым пеҥгыдемдыме комплексым Марий Элын 100 ияш лӱмгечыжым пайремлымылан чулымын ыштен шуктышаш улыт. Тыгай кӱштымашым Марий Элым вуйлатыше Александр Евстифеев пуэн. Тудо чыла вийым чумыраш да кужун шуйнышо проблемым кораҥдаш темлен. Ыштышаш планыш мом пуртымо нерген спорт-туризм министр Лидия Батюкова ойлен. ФОК-ым чоҥаш «Газпром-детям» да «Физический культура ден спортым вияҥдымаш» программе- влак кышкарыште решенийым 2012-шо ийыштак лукмо. Но паша чыгынен шогалын. Тудо республикын кечывалвел- эрвел ужашыштыже социально кӱлешан объектлан да ик эн кугу спорт рӱдерлан шотлалтеш. Тушто кок бассейн, модмо спортлан зал, ийше- влаклан ямдылалтме вер лийшаш улыт. Тыгак тушто тренажер зал, врачлан кабинет, административный пӧлем- влак, вургемем вашталтен чийыме вер да молат лийыт. Тиде объектым умбакыже чоҥашлан Республикым вуйлатыше Газпром дене кугу пашам шуктеныт. Тыге Газпром 145 миллион теҥгем ойыраш лийын. Икымше 70 миллион теҥгежым бюджетыш кусарыме. Аукционым эртарыме, сеҥыше уло, кок тылзе жапыште проектым актуализироватлат да сметылан экспертизым эрарат. Тыге декабрь кыдаллан чоҥышашын раш акше пале лиеш. Объектым республикын юбилейжылан ыштен шукташ кӱлеш. Кызыт объектым 58 процентлан ыштыме: каркасше, леведышыже уло, окнам шындыме. Кӧргӧ паша, газым пурташ, газ котельныйым чоҥаш кодын.
