Марий Эл Кугыжаныш порысшым ик миллиардат 192 миллион теҥгелан иземден
Кодшо ийын лектышыже почеш Марий Эл Кугыжаныш порысшым ик миллиардат 192 миллион теҥгелан иземден. Россий минфинын ончыктымыж почеш, ик тылзыште парымын структурыштыжо коммерций кредитын кугытшо иземын да бюжетлан арыме окса кугыт шагалемын. Тенийсе идалык тӱҥалтышлан шотлаш гын, кугыжаныш парым 894 миллион теҥгелан шагалемын: коммерций кредит 405 миллионлан, бюджетлан арымеш налмаш 489 миллионлан. Регионын лукмо Кугыжаныш шергакан кагазын кугытшо вашталтын огыл- кок миллиард теҥге кодын. Тидыже парымын 16 процентше лиеш. Октябрь тӱҥалтышлан республикын кугыжаныш парымже 12 миллиардат 389 миллион теҥге кодын.
