Икымше але кокымшо йоча шочмеке, кум ий жапыште еш- влак 430 тӱжем теҥгем налын кертыт

Икымше але кокымшо йоча шочмеке, еш- влак 430 тӱжем теҥгем налын кертыт. 2020-шо ийыште икымше да кокымшо йоча шочмылан тылзе еда тӱлымӧ оксан кугытшо 7 процентлан ешаралтеш да 12 тӱжем теҥгеш шуэш. Тений тудо 11 тӱжемат 200 теҥге лийын. Тыге икымше але кокымшо йоча шочмеке, кум ий жапыште, еш 430 тӱжем теҥгем налын кертеш. Ушештарена: тений гыч элыштына «Демографий» калыкле проект шыҥдаралтеш. Тудын ужашыжлан «Йоча шочмеке ешлан окса полыш» федерал проект шотлалтеш. Шушаш ийлан федерал бюджетыште тудым шыҥдараш 527 утла миллиард теҥгем палемдыме. Тидыже тенийсе деч 24 процентлан шукырак.