«Лӱдыкшыдымӧ да сай качестван автомобиль корно- влак» калыкле проектым шыҥдарыме годым калыкын шонымашыжым учётыш налме системым кучылташ тӱналыт
Екатеринбург олаште «Корно» тӱнямбал специализированный выставкыште «Лӱдыкшыдымӧ да сай качестван автомобиль корно- влак» калыкле проектым шыҥдарыме кышкарыште калыкын шонымашыжым учётыш налме системым ончыктеныт. Молан манаш гын, проектым шыҥдарыме годым калык дене эре вашкыл лийшаш. Нуно кузе йӧнанрак ыштышашым каласен кертыт. Калык дене вашкыл тӱрлӧ корно дене шукталтеш: проектын официальный интернет-ресуршо, социал сетьлаште проектын группыжо, «ОНФ-ын корно инспекцийже» сайт да молат улыт. Эл мучко тӱрлӧ кундем гыч калыкын обращенийжым ончыктышо Интерактивный площадкым Дмитрий Медведевланат ончыктеныт. Тений идалык тӱналтыш гыч 83 субъект гыч вич тӱжемат 200 утла йодыш пурен. Тушечын 85 процентшылан вашмутым пуымо, молыж дене эше пашам ыштат.