Чодыра пожар ваштареш кучедалме технике ешаралтеш
Марий Эл пожар ваштареш кучедалме у партий техникым налеш. Тиде сомыллан кок миллион наре теҥге ойыралтеш. Чодыра пожарым сайын йӧрташ манын, республикыште специализированный пожар технике уэмдалтеш. Республикын бюджетше гыч ойырымо миллионат 800 тӱжем теҥгелан грузовой автомобиль негызеш ыштыме чодыра патруль комплекс налалтеш. Тудо терген кошташ, тул пижме верыш калыкым на оборудованийым кондаш, яллаште тулым йӧрташ кучылталтеш. Тиддеч посна ойырымо окса дене тиде комплекслан оборудований комплектым налме лиеш. Нуным ноябрь мучаш марте конден шуктышаш улыт. Ончыч тыгай икмыняр комплексым налме ыле. Тидлан 30 миллион теҥгем кучылтмо.