Евгений Маслов «Ола» МУП-ын телылан ямде улмыжым терген

 Йошкар-Ола мэрын сомылжым шуктышо Евгений Маслов «Город» МУП-ын директоржо Владимир Дождиков дене пашаче вашлиймашым эртарен. Нуно теле жаплан техникым ямдылыме да ий кылмыме ваштареш кучылтмо материалым шапашлыме нерген мутланеныт. «Город» МУП оласе тӱҥ коммунал предприятийлан шотлалтеш. Тудо 330 меҥге кужыт уремлам, парк, сквер, площадь да моло кундемлам обслуживатла. Сандене телылан ямдылалтме йодыш олалан моткоч кӱлешан. Предприятий йӱштӧ жаплан икшырымын ямдылалтеш. Кызыт тудын 77 спецтехникыже уло. Тымарте 63 процент техникым телым пашам ышташ келыштарыме. Тиде сомыл умбакыжат шуйна. Южо техникыже кызытат оласе уремлаште пашам ышта. Предприятийыште 350 еҥ тырша. Тиде- водитель, тракторист, эрыктыше, корно пашазе, слесарь, токарь, асфальтобетощик, кушкыл да пушеҥге дене пашам ыштыше- влак, инженер-техник пашаеҥ- шамыч. Тений икымше гана олаште арулыкым ыштыме шыжымсе месячник эртыш. Тиде пашашке кугу надырым «Город» МУП-ын пашаеҥже- влакат пыштеныт.