Марий Элысе тунемше- влак Россий кӱкшытан ГТО фестивальыш каеныт
Школышто тунемше- влакын командышт Артекыш Россий кӱкшытан ГТО фестивальыш каен. Тудо 17-ше октябрь гыч 7-ше ноябрь марте эрта. Команде радамыш Советский да Волжский районла гыч 13-15 ияш 8 тунемше пурен. Нуно сеҥышаш лекшаш верч кум корно дене таҥасаш тӱналыт: спорт, шинчымаш да конкурсышто. Фестивальын спорт программыже многоборье да ГТО эстафета гыч шога. Шинчымаш программыште ГТО комплексым шке таҥаш- влак коклаште шарен колтымо методикым да шонымаш- влакым ямдылышаш улыт. Конкурс программыже кок таҥасымаш гыч шога: ГТО комплексым шарен колтымо эн сай проект да агитбригадын ГТО нерген эн сай выступленийже.