Курык марий драма театр у автобусым налын

Курык марий драма театр «Изи шочмо кундемын» тӱвыраже федерал проектыште «Изи ола- влакын театрышт» корно дене кумшо ий чолган кылым куча. Эртыше кок ийыштыже ойырымо окса почеш спектальлам шындыме да материально- технический базым уэмдыме гын, тений ПАЗ маркан у автобусым налме. Программе почеш тидлан ик миллионат 610 тӱжем теҥгем кучылтмо. Курык марий драма теартын директоржо Людмила Атласкинан палемден: изи олалаштат театр- влаклан полшымылан кугу таум ойлена. Ынде мемнан артистна- влак тӱрлӧ-тӱрлӧ гастрольыш у автобус дене коштын кертыт. Теве тылзе мучашыште артист-влак Коми-Пермяк округысо Кудымкар олаш «Сообщение» тӱнямбал фестивальыш «Кловой пылгомын мырыжы» спектакль дене каят. Тиде постановкыжат проектыш ушнымылан кӧра шындалт кертын, - каласен театрын диекторжо.