Юрино велысе Марьино селаште тазалыкым пеҥгыдемдыме верым ыштыме
Юрино районысо Марьино селаште спорт дене кылым кучаш у, кызытсе жаплан келшыше объект почылтын. Тушто стадион-площадкым чоҥаш кугыжаныш контрактым 2016-шо ийыштак пеҥгыдемдыме ыле. Тений октябрьыште «Советский ПМК» подряд организаций пашам мучашлен. Спортым йӧратыше- влаклан футбол пасум, синтетик шартышан волейбол да баскетбол площадкым, куржталме корным, чарак гоч куржталме полосам ыштыме.