Футбол нерген увер- влак

Мӧҥгыштӧ эртарыме пытартыш матчыште «Дружба» футбол команде Ковернино посёлко гыч «Волна» командылан модын колтен. «Приволжье» регион кокласе футбол ушемын 29-ше турыштыжо Йошкар-Оласе «Дружба» «Волна» дене вашлийын. Тиде мӧҥгыштӧ эртарыме пытартыш матч лийын. Но сайын модын кертын огыл. Угарман областьын футболистше- влак чолгарак лийыныт да «Дружбын» капкашкыже шым мечым пуртеныт. «Дружба» ынде Димитровградыште «Лада-Университет» дене мучаш гыч кокымшо вер верч кучедалаш тӱҥалеш. Иктыже 14-ше, весыже 15-ше верыште улыт. Тыге «Дружба» 26-шо октябрьыше сеҥа гын, пытартыш вер гыч кораҥеш.
                 А Марий Эл гыч Росгвардеец- влак мини-футбол дене ший призер лийыныт. Чувашийыште мини-футбол дене Юл кундем округын чемпионатше лийын. Тиде гана кок кече жапыште турнирыште 14 команде гыч 100 утла офицер модын. Таҥасымашын лектышыже почеш кокымшо группышто командный первенствыште Марий Элысе футболист- влак ший призёр лийыныт. А сеҥышыш Мордовий лектын, кумшо верыште Чуваш республикысе Росгвардий виктемын командыже улеш.