Троллейбуслан тӱжем теҥге дене тылзаш проездной билет- влак тетла огыт ужалалт
Троллейбуслан тӱжем теҥге дене тылзаш проездной билет- влак тетла огыт ужалалт. Троллейбус траснпорт муниципал предприятий шке пашаштыже лийшаш вашталтыш- влак нерген увертара. Икымше август гыч тылзаш кагаз проездной билет- влак огыт кучылталт. Тунемше- влаклан 640 теҥгеаш да пенсионер- влаклан 800 теҥгеаш проездной билет- влак огыт кораҥдалт, тыгак кучылталтыт. Моло еҥлан 1000 теҥгеаш тариф транспорт карт дене пайдаланыме годым аралалт кодеш. Предприятийын пашам ыштыше киоскшо- влакат шагалемыт да нылытше гына ышташ тӱҥалеш. Тиде- Рӱдӧ рынок кундемыште куснылшо пункт, Ленин лӱмеш тӱвыра полат воктене, «Олимп» кевыт тураште да «Троллейбус транспорт» предприятий кундемыште.