Марий Элын Тӱҥ законышкыжо тӧрлымаш- влакым ямдылат

Марий Элын Тӱҥ законышкыжо тӧрлымаш- влакым ямдылат. Республикыштына Конституцийыш тӧрлымашым пуртымо шотышто темлымаш- влакым ямдылаш пашаче группым ыштыме. Тидын шотышто распоряженийым Марий Элым вуйлатыше пеҥгыдемден. Пашаче группыш 11 еҥ пурен. Группын сопредседательжылан Российысе юрист- влак ассоциацийын верысе пӧлкажын советшым вуйлатыше Роман Золотарёв, марий парламентын законодательство шотыштто комитетшым вуйлатыше Александр Павловым пеҥгыдемдыме. Тиддеч посна группыш Марий мер каҥашым вуйлатыше Эдуард Александров, Общественный палатым вуйлатыше Герман Дементьев, МарНИИЯЛИ-н директоржо Евгений Кузьмин да молат пуреныт.