Таче- еш пайрем

Марий Элым вуйлатыше Александр Евстифеев республикысе калыкым Еш, йӧратымаш да ӱшанле улмо кече дене саламла. Еш мыланна илышлан ӱшаным пуа, полыш да эҥертыш улеш, эрласе кечылан ӱшаным шочыкта, тӱрлӧ нелылыкым сеҥаш полша. Мемнан задачына- ончыкылык тукымлан ешын акшым, шочмо элым йӧратымаш шӱлышым шыҥдараш полшышаш улына. Молан манаш гын, тудын деч республикынан да элнан ончыкылыкшо шога. Кызыт еш, ава да йоча жапым кугыжаныш арала. Тидын нергенак Владимир Путинын решенийже- влак ойлат. Тудын тӱҥалме калыкле проект- влаклан кӧра йоча садым, школым, медицина тӧнежым, спорт комплекс ден тӱвыра тӧнеж- влакым чоҥат. 2019-ше ийыште гына, республикыштына йоча- влаклан тӱжемат 165 ешартыш верым ыштыме. Тений ныл йоча садым чоҥен пытарышаш улыт, у школ пашам ышташ тӱҥалшаш, Перинатал рӱдерым чоҥаш тӱҥалыт. Шарнаш кӱлеш: еш- тиде пиал гына огыл, но тургыжланымаш, кажне кечын ыштыме паша да кугу ответственнсть. Кугу таум икмыняр йочам ончышо еш- влаклан, икшывым ашнаш налше еш- влаклан ыштыме шуэш. Чылалан пеҥгыде тазалыкым, сеҥымашым да улан илышым тыланем. Тек кажне суртышто йочан куанле воштылмыжо йоҥга, лишыл еҥ- влакын шокшышт да шӱм-чон куанышт арала.