«Порылык каникулыш ок кай»…
Республикысе школышто тунемше- влак «Порылык каникулыш ок кай» Россий кӱкшытан конкурсышто сеҥыше- влак радамыш логалыныт. Конкурсын организационный комитетшын заседанийыштыже йоча- влак коклаште волонтёр пашам ворандарен колтымо шотышто конкурсын шым номинаций дене сеҥышыже- влакым палемдыме. Нунын коклаште республике гыч кок школын добровольческий отрядше улыт. Конкурсыш чылаже 85 регион гыч вич тӱжемат 280 йодмаш пурен улмаш. Кугу Сарын ветеранже, тылыште трышыше, инвалид, шкет кодшо шоҥгыеҥ, тулык йоча- влаклан полышым пуымо шотышто проект- влак коклаште 102 гыч 20 проектшылан грантым пуаш ыштыме. Нунын радамыште Козьмодемьянск оласе 3-шо школын «Факел добра» волонтёр отрядше ден Марий Турек районысо Косолоп кыдалаш школын «Ӱшан» ушемже улыт.