Икымше сентябрьыште йоча- влак школыш каят, но линейке- влак огыт лий

Икымше сентябрьыште йоча- влак школыш каят, но поро йӱлаш савырныше линейке- влак огыт лий. Российысе просвещений министерствыште шинчымаш кечым кузе эртарыме нерген ойленыт. Молыгунамсе семын линейке- влак огыт лий, но нуно вес формат дене эртат, - каласен просвещений министр Сергей Кравцов. Тунемше ден туныктышо- влак икымше сентябрьыште школыш толыт. Туныктымо паша тӱҥалеш, но черым шараш огыл, тунемше ден туныктышо- влакын лӱдыкшыдымылыкыштым ышташ манын, пеҥгыде йодмаш- влак лийыт. Министрын мутшо почеш, икымше сентябрьыште тунемше- влакын шинчымашыштым тергымаш эрта, оценке ок шындалт, а шинчымашын кӱкшытшым ончалыт. Начар шинчымаш палдырна гын, лӱмын программым ямдылыме. Тудо шинчымашым тӧремдаш полшышаш.