Конституцийыш вашталтышым пурташ йӱклымо кечысе викторинын куандарыше лектышыже
Пачерым модын налше Йошкар-Олаште илыше пӧръеҥ шке пӧлекшым налаш миен. Максим Белослудцевын мутшо почеш, пӧлек йӧршын вучыдымын логалын. Теҥгече тудо у верыште чоҥымо пӧртыштӧ пачерлан сертификатшым налын каен. Моткоч куаненам. - манын тудо. Икымше гана тыгай пӧлек верештын. Викториным ямдылыше- влаклан тау, -каласен тудо. Максим Марий университетысе медицина факультетыште туныкта да Перинатал рӱдерыште врачлан пашам ышта. Теҥгечак пӧлеклан шке сертификатыштым Йошкар-Олаште, Звенигово, Советский, Медведево районлаште илыше- влак налыныт. Эн шуко сеҥыше- влак Морко район гыч лийыныт- 10 еҥ. Кокымшо пачерым Параньга район гыч ӱдырамаш модын налын.