Александр Евстифеев Конституцийыш вашталтышым пуртымо шотышто йӱклымашын лектышыже почеш республикысе калык деке обращений дене лектын
Марий Элым вуйлатыше Александр Евстифеев Конституцийыш вашталтышым пуртымо шотышто йӱклымашын лектышыже почеш республикысе калык деке обращений дене лектын. Элнан тӱҥ законжым уэмдыме да ыштыме тӱҥ политике цикл мучашлалтын, - каласен тудо. Президент ик гана веле огыл ойлен: Колнституцийын у редакцийже правовой кугыжанышын принципшым пеҥгыдемден, ятыр положенийым вияш шуктымо нормыш нӧлталеш. Нине решений- влак кӱлеш семын шымлымылан, каҥашымылан да темлымылан кӧра шочыныт. Республикысе калык чолга илыш позицийым ончыктен. Йӱклымаш виш, раш да чаткан, нарушений деч посна эртен. Йӱклымашке ушнышо, сайлыме комиссийын еҥже- влаклан, эскерыше, журналист, кугыжаныш кучем органын еҥже, медицина, технический пашаеҥ- влаклан тау, - манын тудо. Александр Евстифеев ӱшаным каласен: мемнам илышын у йыжыҥже вуча, эрласе кечылан ӱшан шочеш да Конституцийын у версийжым илышыш шыҥдараш ӱжын.