Тӱня йыр фрегат дене савырныше тистым Козьмодемьянскыш конденыт
Козьмодемьянск оласе «Паллада» парус клубышто шуаралтше рвезе- влак «Паллада» фрегат дене тӱня йыр савырныме экспедицийыште лийыныт. Фрегатыште кошто тистым Козьмодемьянск олаш кондымо. Судно чылаже 26 тӱжемат 244 теҥыз мильым эртен, Атлантический, Индий океан- влак гоч каен, экваторым кок гана вончен. Марий Эл гыч рвезе- влак суднышто 217 кече лийыныт да Марий Элын тистыжым пырля наменыт. Экспедиций руш мореплаватель- влакын Антарктидым почмыштлан 200 ий темме да Кугу Ачамланде сарыште Сеҥымылан 75 ий теммылан пӧлеклалтын ыле.