Александр Евстифеев аралыше средствым налаш 17 миллион теҥге оксам ойырен

Александр Евстифеев Марий Эл Правительствын резерв фондшо гыч аралыше средствым налаш 17 миллион теҥге оксам ойырен. Тидын шотышто лӱмын распоряженийым пеҥгыдемдыме. Документ дене келшышын, 17 миллионат 300 тӱжем теҥгем тазалыкаралтыш министерствылан колтымо. Окса коронавирус инфекций шарлыме ваштареш профилактике, шижтарыме пашалан, эҥгекшым кораҥдашлан кучылталтеш. 14 миллионат 300 тӱжем теҥгеже 30 сентябрь марте аралалтме шапашым ышташ кайышаш. Эше кум миллионжым лабораторный диагностикылан кучылташ палемдыме.