Юл кундем округышто Президентын полномочный представительже Игорь Комаров калыклан приёмым эртарен
Юл кундем округышто Президентын полномочный представительже Игорь Комаров калыклан приёмым эртарен. Видеоконференций йӧн дене эртарыме вашлиймашыште Марий Эл, Мордовий, Чуваший да Оренбург область гыч колтымо обращений- влакым ончен лекме. Мероприятийыште субъект- влакын кӱшыл кучемыштын, регионласе да муниципал кучем органын еҥышт участвоватленыт. Колтымо йодыш- влак тӱнемме тӧнеж да корным капитально олмыктымо, медицина организаций- влаклан кӱкшӧ технологиян оборудованийым ситарыме дене кылдалтыныт. Медведево посёлко гыч ӱдырамаш Игорь Комаров деч Медведево гимназийын леведышыжым капитально олмыкташ полшаш йодын. Школым 1962-шо ийыште чоҥымо, Тушко тӱжемат 230 йоча коштеш. Сандене ужашыш-ужаныш гына ачалымаш сай лектышым ок пу: шошым-шыжым вӱд йога. Марий Эл Правительстве председательын икымше алмаштышыже Михаил Васютин увертарен: школым да тудын леведышыжым капитально олмыкташ оксам ойырымо, аукционым эртарыме да пашам ышташ контарктым пеҥгыдемдыме. Пашам 31-ше октябрь марте ыштен шуктышаш улыт. Полномочный представитель у тунемме ий тӱҥалмылан леведышым олмыктен шукташ да Тӱҥ федерал инспектор Павел Волковлан регионысо правительстве дене вашкылым ышташ кӱштен. Полномочный представительын аппаратше ончымо йодыш- валкым шуктымым контрольыш налын.