Июль гыч ЖКХ полышлан тариф кокла шот дене 4 процентлан кугемеш

Июль гыч ЖКХ полышлан тариф кокла шот дене 4 процентлан кугемеш. Тений коммунал полышлан акын кугемме индексшым кажне регионлан посна палемдыме. Тариф эн шагал Ненец автоном округышто кӱза- 2,4 процентлан, Пермь край ден Мурманск областьыште-3, ятыр кундемыште 3,6 процентлан. Икмыняр депутат, сентаор да торгово- промышленный палата кӱзыктымашым 2021-ше ий марте шӱкалаш темленыт. Но Минстройын мутшо почеш, кӱзыкташ огыл гын, ЖКХ отрасль 300 миллиард теҥгем налын ок шукто да коммунал инфраструктурым модернизироватлыме программылан окса ок сите. ЖКХ предприятий- влакым телылан ямдылыме паша кӱрылт кертеш. Тариф Марий Элыштат кугемеш. Мутлан электроэнергийлан ак тыгай лиеш: оласе калыклан кум теҥгеат 89 ыр, ялысе калыклан кок теҥгеат 72 ыр. Шокшо вӱд, шокшо, вӱдым ситарыме да йоктарен колтымо, шӱкшакым шупшыктымылан тариф дене правительствын сайтыштыже палыме лияш лиеш.