Вольыклан кургым ситарат
Республикыштына кургым шапашлыме паша умбакыже шуйна. Теве Параньга районышто «Победа» озанлык тиде сомылым ик эн ончыч тӱҥалын. Тушто волгыдо жапым тичмаш кучылташ тыршат. Сенажым опташлан кӱлынак ямдылалтыныт: силос траншей-влакым капитально олмыктымо, сенаж площадкеш асфальтым шарыме. Нӧрӧ кргым кок К-700 трактор лаптырта, пашан качествыжым специалист- влак терген шогат. Озанлыкын пасулаштыже тыгак шудым ямдылат. Кеҥеж жапыште верысе пашазе- влаклан 705 тонн шудым, 11 тӱжем тонн сенажым опташ кӱлеш. А район мучко ончалаш гын, кок тӱжемат 500 утла тонн шудым да 15 тӱжем тонн сенажым аралаш пыштыман.