Коронавирус дене черланыше- влакын тӱшка чотышт кум тӱжем еҥым эртен
Марий Элыште Ковид-19 дене черланыше- влакын чотышт кум тӱжем еҥым эртен. Эртыше суткаште эше 30 еҥын чержым пеҥгыдемдыме да тӱшка чотшо кум тӱжемат 20 еҥыш шуын. Тымарте кок тӱжемат 835 еҥ эмлалт лектын. Ӱмыр лугыч лийше- влакын чотышт -23 еҥ. Элна мучко ончалаш гын, черланыше- влакын тӱшка чотышт 660 тӱжемым эртен. Ик суткаште 6 тӱжемат 760 еҥ черланен, куд тӱжемат 47 еҥ эмлалт лектын, 147 еҥ колен.