Йошкар-Оласе у школ 27-ше школым «куштылемда»

Йошкар-Оласе 9В микрорайонышто чоҥалтше у школ 27-ше школ гыч тунемше- влакын пелыжым налеш. Йошкар-Ола администрацийын туныктыш виктемыштыже пӱсын шогышо йодыш- влаклан вашештеныт. У 31-ше школышто чоҥымо паша эше мучашлалтын огыл. Тудым ыштен пытарымеке, туныктымо пашалан лицензийым налман. У школышто Йыван Кырля уремысе 46-шо в, 48-ше, 48-ше а да 50-ше пӧртлаште илыше- влак, Прохоров уремысе 32-шо гыч 50-ше Б пӧрт марте, Васильев уремысе 6-шо в, 8-ше Б да Ян Крастынь ден Черняков уремысе чыла пӧртлаште илыше- влак тунемаш тӱҥалыт. Ондак нине пӧрт- влакым 27-ше школ деке пеҥгыдемдыме ыле. Проект почеш 27-ше школышто тӱжемат 46 йоча тунемшаш, эртыше тунемме ийыште тушко кок пачаш шукырак ӱдыр-рвезе коштын. Ынде пеҥгыдемдыме кумдыкым уэш ончен лекме. Сандене каласыме пӧртлаште илыше йоча- влакым у 31-ше школыш кусарат. Яра верышке йодмашым 1-ше август гыч налаш тӱҥалыт.