Марий Элыште шукырак кагаз ден эмым лукташ тӱҥалме, но вургем шагалрак ургалтеш

Марий Элыште шукырак кагаз ден эмым лукташ тӱҥалме, но вургем шагалрак ургалтеш. Маристатын ончыктымыж почеш, тений январь-майыште промышленный производствын индексше кодшо ийысе тыгаяк жап дене таҥастарымаште 90 наре процентыш шуын. Тиде жапыште пайдале ископаемыйым шукырак лукташ тӱҥалме, но обрабатыватлыше производствышто, электроэнергийым, газым, парым ситарыме, южтарыме пашаште иземмаш палдырна. Вӱдым ситарыме да йоктарен колтымо, шӱкшакым погымо да пытарыме пашаште чолгаҥмаш коеш. Январь гыч май марте кочкыш сатум, кагазым  да кагаз сатум шукырак ыштен лукмо. Тыгак ончычсо деч утларак химический сатум, эмым, резина да пластмасс изделийым, электрооборудованийым, автотранспорт средствым, прицепым да полуприцепым ыштен лукмо. Тидын годымак йӱышым, текстильым, вургемым, коваштым да тудын дене ургымо сатум шагалрак лукмо. Тыгак нефтепродуктым, кӱртньӧ изделийым ыштымаш шагалемын.