Волжск оласе школласе столовыйлашке у оборудованийым кондымо
Волжск оласе школласе столовыйлашке у оборудованийым кондымо. Икымше сентябрь гыч 1-ше гыч 4-ше класс марте тунемше- влак оксам тӱлыде шокшо кочкышым кочкаш тӱҥалыт. Тидын шотышто Указым Российын Президентше пеҥгыдемден. Атышӧрым кажне ийын уэмден шогат гын, ситыдыме оборудованийым налаш да тоштыжым вашталташ нелырак. Сандене полыш кидым республикын правительствыже шуялтен. Шукерте огыл республикын бюджетше гыч Волжск олашке кок миллионат 970 тӱжем теҥге окса толын. Тыге оласе чыла школлан кӱлеш оборудованийым налме.