15-ше июль гыч чыла кинотеатр почылтеш
15-ше июль гыч чыла кинотеатр почылтеш. Россий мучко 15-ше июль гыч кинотеатр- влак гыч чарымаш кораҥдалтеш да нуным почмо лиеш. Тидын нерген Российын вице-премьерже Дмитрий Чернышенко премьер-министр Михаил Мишустинын эртарыме совещанийыште увертарен. Тудо палемден: еҥ-влак паша деч посна ноеныт да теве ынде тыглай илыш деке пӧртылыт. Туризм, спорт да тӱвыра аланыште тыршыше- влакын паша кумылышт раш коеш,- манын тудо. Ушештарена: театр, кинотеатр, тоштер, цирк, концерт зал да моло тӱвыра тӧнеж- влак коронавирусын пандемийжылан кӧра пашаштым 23-шо мартыште чареныт ыле.