Марий Эл чарымашым кораҥдыме кокымшо йыжыҥыш куснен
Марий Эл чарымашым кораҥдыме кокымшо йыжыҥыш куснен. Потребительын праважым аралымашым эскерыше федерал служба Республикыштына эпидемический ситуацийын могайрак улмыжым шымлен лектын. Тудо чарымашым кораҥдаш негызым пуышо тӱҥ показатель- влакым шотыш налын да кокымшо йыжыҥыш куснаш келшен толшо чарымашым кораҥдаш кутырен келшыме. Тидын дене келшышын Республикым вуйлатыше Александр Евстифеев Правительствын пунчалышкыже вашталтышым пуртен. Документ почеш пашам ыштышаш организаций- влакын пречньыштым палемдыме. Указыште палемдыме: 800 квадрат метр марте кумдыкан ужалкалыме залан кевыт- влак почылтыт, единый кугыжаныш экзаменым эртарыше организаций- влак, йоча- влаклан стоматологий полышым пуышо тӧнеж- влак пашам ыштат. Тиддеч посна физкультура да спорт, фитнес индустрий тӱжвалне 12 наре еҥ дене занятийым эртарен кертыт. Атотранспорт водительым ямдылыше, сонар да сонар ресурсым аралыше, туроператор да турагентстве- влак пашам тӱҥал кертыт, но кызытеш экскурсовод да гид- влак экскурсийым эртарен огыт керт. Тиде пунчал тачысе кече гыч вийым налын. Но дистанцийым да санитар гигиена правилым чаткан шуктен шогыман да маскым чияш модыман огыл.