Лишыл жапыште Рушла- марла мутерын кагаз да электрон вариантше денат пайдаланаш лиеш
Лишыл жапыште Рушла- марла мутерын кагаз да электрон вариантше денат пайдаланаш лиеш. Кок томан у мутерым ямдылыме нерген компьютер лингвист Андрей Чемышев увертарен. Савыктышыш 40 тӱжем утла мут пурен. Мутерым Валериан Васильев лӱмеш йылмым, сылнымутым да историйым шымлыше марий институт ден Марий Кугыжаныш университетын шанчыеҥже- влак ямдыленыт. Проектым филологий шанче кандидат Марина Ипакова вуйлата. Редакторжо семын филологий науко доктор Любовь Абукаева ден филологий наука кандидат Валентина Гаврилова тыршат. Мутерын электрон вартиантше 6-шо июльлан ямде лиеш,- увертара Андрей Чемышев.