Рӱдӧ оласе Йошкар Армий уремыште тротуарымат олмыкташ тӱҥалме

Йошкар-Оласе Йошкар Армий уремыште подрядчик йолын коштмо вер- влакым олмыкташ тӱҥалын. Тиде тӱшка кумдык калыкын рейтинг йӱкламшыж почеш эн ончыч олмыктышаш спискыш пурен ыле. Тиде кечылаште подряд организаций Машиностроитель деч Транспорт урем марте ужашыште геодезий пашам шуктен да олмыктымо сомылым тӱҥалын. Тушто тротуар шартыш уэмшаш, теҥгыл да урно- влак вераҥдалтшаш улыт. Пашам сентябрь мучаш марте ыштен шукташ палемдыме. Тений чылаже калыкле проект почеш 11 тӱшка кумдыкым тӱзаташ палемдыме.