Ялысе калык ик субботник дене кок йодышым решатлен

Ялысе калык ик субботник дене кок йодышым решатлен. Куженер районын Юледур илемысе калык верысе шӱгарлам эрыкташ кугу субботникыш лектын. Тӱшкан погынен нуно тушеч погынышо шӱк-куштырам кораҥденыт да лӱдыкшым лукшо кошкышо пушеҥге- влак пӱчкеденыт. Тыге верысе черкылан ныл машина пуым ямдыленыт. Поснак кугу полышым шке машинан верысе калык пуэн. Нуно шӱк-куштырамат, пуымат шупшыктеныт. Верысе администраций землякше- влаклан кугу таум каласен.