«Футбол да регби дене олимпий резерв спорт школ» кугыжаныш полышым налын
Тений «Футбол да регби дене олимпий резерв спорт школ» «Спорт- илышын нормыжо» федерал проект почеш федерал бюджет гыч субсидийым налын. Окса Российын да республикын сборный командыжлан резервым ямдылыше спорт организаций- влаклан кугыжаныш полышым пуашлан ойыралтеш. Тиде шийвундо дене спорт школ спорт инвентарьым налын. Тудын радамыште 55 регби мече, 3 щит, 6 мешак, 60 регби формо. Регби формыш футболка, шорт да гетр пурат. Школын материально- технический базыжым пеҥгыдемдымаш спорт резервым ямдылыме пашам у кӱкшытыш лукташ полша.