Козьмодемьянскысе школ- интернатлан у оборудованийым налме
«Кызытсе жаплан келшыше школ» федерал проект кышкарыште Козьмодемьянскысе школ- интернатыште у оборудованийым налме да вераҥдыме. Тиде проект начаррак тазалыкан школьник- влаклан полшаш виктаралтын. Проект кышкарыште ургымо, столяр, йолчием мастерской- влакым, штукатур- маляр паша дене мастерскойым пойдарыме. Тыгак картонаж пашалан оборудованийым налме. Тидыже «Технологий» предмет дене у «Картонаж да переплёт паша» профильым почаш йӧным ышта. Социал-быт кабинетлан мебельым да быт техникым налме. Диагностик комплектым, коррекционно- развиватлыше да дидактик туныктымо йӧным налме, педагогик-психолог да туныктышо- логопед кабинетлашке оборудованийым кондымо. Туныктымо тӧнежын инфраструктурыжым уэмдаш шым миллионат 800 тӱжем теҥге оксам ойырымо ыле.