8-ше июльышто Еш, йӧратымаш да ӱшанле улмо кече палемдалтеш
8-ше июльышто Еш, йӧратымаш да ӱшанле улмо кече палемдалтеш. Тидын вашеш пырля 60 ий утла пырля илыше Осиповмыт ешлан «Йӧратымаш да ӱшанле улмылан» медальым кучыктеныт. Медведево посёлкышто илыше Леонид ден Алефтина Осиповмыт Российын кӱкшӧ наградыжым, социал вияҥмаш министерствын чап грамотыжым да пӧлекшым налыныт. Еш мужырым саламлаш социал вияҥмаш министрын алмаштышыже Андрей Компаниец ден министерствын пӧлкажым вуйлатыше Галина Ярцева миеныт. Пайрем кечын, 8-ше июльышто, республикыштына 70 тыгай медальым кучыктымо лиеш.