Звениговысо «Мечта» оборудованийжым уэмда

Звенигово районысо «Мечта» каныме рӱдер «Изи шочмо верын тӱвыраже» проектлан кӧра шкенжын музыкальный оборудованийжым уэмдаш йӧным налын. Тиде проект 50 тӱжем марте еҥ илыман илемласе тӱвыра пӧрт- влакын материально- технический базыштым пеҥгыдемдымашке виктаралтын. Кодшо кечылаште Провой велысе рӱдер ялысе индеш тӱвыра тӧнежлан у оборудованийым налын. Усилитель, микшер пульт, ноутбук, аккустике система, микрофон йол- чыла тидыже лишыл жапыште тӱвыра пӧртыштат, ӧрдыжтат чапле мероприятий-влакым эртараш сай йӧным пуа. Проектым илышыш шыҥдарымаш усталык коллектив- влаклан занятийым эртараш утларак йӧным да келшыше условийым пуа, моло район да кундемла гыч артист- влакым ӱжаш лиеш, усталык пашаеҥ- влакын мастарлыкышт у, профессионал кӱкшытыш нӧлталтеш.