Оршанке- У Торъял корным олмыктымылан 30 ий утла эртен
Республикыштына Оршанке- У Торъял корным олмыкташ палемдыме. «Лӱдыкшыдымӧ да сай качестван автомобиль корно- влак» калыкле проектым шыҥдарыме кышкарыште Оршанке- Пектубай- У Торъял корным олмыкташ тӱҥалыт. Тиде корным 1946-шо ийыште чоҥаш тӱҥалме. Но капитально чоҥымаш 1960-шо ийыште гына тарванен. 27 ий эртымеке корным олмыктымо. Теве ынде уэш тудын нерген шарналташ жап шуын. Тачысе кечылан корнын кужытшо 61 меҥгыш погына да регионысо кӱкшытан корнылан шотлалтеш. Кызыт лу меҥге кужытышто асфальтобетон вартыш дене тӧрлымаш кая. Вара «Марий Эл Дорстрой» ӱмбал ужашыжым шараш да автобус чарныме вер- влакым олмыкташ тӱҥалеш. Тений октябрь марте тиде корным пӱтынек олмыктен шукташ сӧрат.