Черланыше- влак радамыште эше 27 еҥ ешаралтын

Ик суткаште Марий Элыштына коронавирус дене черланыше эше 27 еҥым рашемдыме. Пандемий тӱҥалме годсек кум тӱжемат 184 еҥын чержым пеҥгыдемдыме. 24 еҥ ӱмыр лугыч лийын. Тымарте кок тӱжемат 870 еҥ эмлалт лектын. Россий мучко черланыше- влакын чотышт 700 тӱжемым эртен. Эртыше суткаште гына 6 тӱжемат 562 еҥ черланен, 8 тӱжемат 631 еҥ эмлалт лектын, 173 еҥ ӱмыр лугыч лийын.