Теҥгечысе кече гыч пашам тӱнал кертше предприятий- влакын перечньыштым ямдылыме

Марий Элым вуйлатыше Александр Евстифеев правительствын пунчалжым пеҥгыдемден. Тушто теҥгечысе кече гыч пашам тӱнал кертше предприятий- влакын перечньыштым ончыктымо. Мутлан, общепит предприятий- влак тымарте доставке дене гына ыштеныт гын, ынде тӱжвалне, жаплан ыштыме але эре ыштыше террасыште калыкым пукшен кертыт. Тиддеч посна спорт рӱдер- влак, тренировкым тӱжвалне гына огыл, кӧргыштат 10 деч шуко огыл еҥлан тренировкым эртарен кертыт. Тидын годым социал дистанцийым эскерыман. Тичмаш текст дене официальный сайтыште палыме лияш лиеш.