Коронавирус инфекций дене пашам ыштыше медицина пашаеҥ-влак яра каналтен кертыт

Марий Элым вуйлатыше Александр Евстифеев коронавирус инфекций дене пашам ыштыше медицина пашаеҥ- влаклан оксам тӱлыде санаторно-курорт эмлымашке колташ йӧным муаш кӱштен. Тыгай задачым тудо Оперативный штабын заседанийыштыже спорт-туризм министр Лидия Батюкова ден тазалыкаралтыш министр Марина Паньковалан шынден. Медицина пашаеҥ- влакын каныш ден эмлалтмашыштым «Пӱнчер» санаторий негызеш эртараш палемдыме. Лидия Батюкова увертарен: кызыт санаторий вес элла гыч толшо еҥ- влакллан обсерватор статусышто улеш, но 8 июль марте обсерватор семын пашам ышташ верештын огыл. Санаторно-курорт эмлымашке 175 еҥым колташ лийме. Нуно тушто кок арня тазалыкыштым пеҥгыдемдат. Александр Евстифеев ешарен: каныше- влакым вашлияш противоэпидемиологий йодмашым тӱрыс шукташ, кочкышым ситараш  ямдылалташ кӱлеш, пашаеҥ- влак коронавируслан тергымашым эртышаш улыт.