Округ мучко республикыштына эн шагал черланышым рашемдыме

Республикыштына эртыше суткан коронавирус дене черланыше эше 29 еҥын чержым пеҥгыдемдыме. Тидыже Юл кундем округышто эн изи показатель. Тыге тӱшка чотшо кум тӱжемат 213 еҥыш шуын. Тушечын кок тӱжемат 876 еҥ эмлалт лектын. Тымарте 24 еҥ ӱмыр лугыч лийын. Россий мучко ик суткаште 6 тӱжемат 509 еҥ черланен, 8 тӱжемат 805 еҥ эмлалт лектын. Пандемий жап мучко 10 тӱжемат 800 утла еҥ ӱмыр лугыч лийын.