Тӱрлӧ кундем гыч патыр- влак самбо дене кучедалыт

Йошкар-Олаште самбо кучедалмаш дене регион- влак кокласе таҥасымаш лиеш. Тудым эрла 13 шагатлан торжественно почыт. Таҥасымаш Российын Геройжо Марк Евтюхиным да 6-шо ротын боецше- влакым шарныме  лӱмеш эртаралтеш. Тушто 2004-2005-ше да 2006-шо- 2007-ше ийлаште шочшо ӱдыр-рвезе- влак вийыштым ончыктат. Таҥасымаш тачысе кече гыч 22-шо сентябрь марте «Юбилейный» спорткомплексыште лиеш Таҥасыме кечыже - эрла да кумышто. Рвезе- влак 11-12 да 14-15 ияш, ӱдыр- влак 12-13 ияш улыт. Сеҥыше да призёр- влак Чап кагаз, медаль, кубок, шергакан пӧлек дене палемдалтыт. Тыгак «Эн сай технике», «Сеҥаш кумыл» да «Моторын кудалтымаш» номинацийлаште кубкым кучыкташ тӱҥалыт.