Эше куд тӱжем утла гектар пасу гыч шурным поген налман

Сентябрьын кокымшо декадыже мучашыш лишемеш. Республикысе озанлыклаште пасу паша эше мучашлалтын огыл. Тачысе кечылан ял озанлык министерствын ончыктымыж почеш, пырчан, пырчан да отызан культурым ӱдымӧ кумдыкын 89 процентше гыч але 115 тӱжемат 300 утла гектарже гыч поген нылме. Палашлан: чылаже 121 тӱжемат 800 утла гектареш вераҥдыме ыле. Тымарте Звенигово ден Юрино районышто уло кумдык гыч поген налме. Пашам мучашыш Оршанке, Курык марий да Медведево район- влак лишемдат. Тушто 99,  97 да 95 процент кумдыкышто пашам шуктымо. Тидын годымак Марий Турек районышто- 79, Куженерыште- 82, Параньга районышто 86 процентыште поген налме. Чылаже 246 тӱжемат 500 утла тонн пырчым аралаш пыштыме. Кокла лектыш республике мучко ик гектарлан шотлымаште 23 центнерыш шуэш. Эн шуко Оршанкыште- 34, Медведевыште- 33, Советскийыште- 29 центнер гыч погеныт. Эн шагал Марий Турекыште- 15 центнер, Звениговышто- 17, Параньга ден Юриныште 18 центнер дене налыныт. Эше куд тӱжем утла гектар пасу гыч шурным поген налаш кодеш.
ВКонтакт Одноклассники Facebook Twitter Livejournal Google Plus
Поделиться

Прошлые выпуски