Шыже гынат, чодыраште тул пижын кертеш
Республикысе МЧС ушештара: чодыраште кызытат пожар лӱдыкшӧ аралалт кодеш. Йырым- йырысе средам эскерыше да гидрометеорологий рӱдер шижтара: 19-ше сентябрь гыч 23-шо сентябрь марте республикысе кожлаште нылымше классан пожар лӱдыкшо лийшаш. Утарыше служба калыклан тӱткӧ лияш да пожар лӱдыкшыдымылык правилым шукташ темла. Чодыра воктелсе участкылаште шӱкшакым йӱлалташ ок лий, поснак чодыраште тулым ылыжтыман огыл.
