«Юнармий» толкынын нылымше слётшо почылтеш

Йошкар-Олаште шушаш кугарнян, 20-шо сентябрьыште, Самырык- влакын полатыштышт Российысе «Юнармий» йоча да самырык- влакын военно- патриот толкыныштын 4-ше слётышт почылтеш. Марий Элысе «Юнармий» мер толкынын форумжо Ленинградысе блокадым кӱрлмылан 75 ий да Михаил Калашниковын шочмыжлан 100 ий теммылан пӧлеклалтеш. Самырык- влакын полатышт ончылно силовой структуро- влакын техникыштым, МЧС-ын, ДОСААФ-ын специализированый техникыштым, автомотоспорт федерацийын авто-, мото техникыштым вераҥдат. Самырык- влакын полатышт кӧргыштӧ УФСИН-ын «Ястреб» спецназшын, ДОСААФ-ын, МВД-н, утарыше- влакын, Росгвардийын, сарзе комиссариатын, «Воскресение» студент кычалше отрядын выставкышт верлана. Слётым торжественно почмаш 12 шагатлан тӱналеш. Программышке поро йӱла семын «Юнармий» радамыш у еҥ- влакым налмаш, «Патырлык урок- влак», патриотизм шӱлышеш шуарыме программым ыштымаш да молат пурат.