Тамбов олаште пашазе- влакын Спартакиадышт лийын

12-шо гыч 16-шо сентябрь марте Тамбов олаште пашазе- влак коклаште Россий кӱкшытан визымше Спартакиаде эртен. Марий Эл гыч тушко кум предприятийын командыже миен. «Акашево» сурт кайык фабрикын коллективше баскетбол, мини футбол, кирам нӧлтымаш, шахмат, куштылго атлетике дене танасен. «Газпром межрегионгаз Йошкар-Ола» ӱстембал теннис дене модын, Марий машиностроитель заводын командыже иймаште мастарлыкшым ончыктен. Спорт еш- влакын таҥасымашыштышт Советский район гыч Протасовмыт еш 8-ше верым, Морко район гыч Фёдоровмыт еш 12-шо верым налыныт. Команде шот дене Марий Эл 37 регион гыч 14-ше верыш лектын. 17-ше ийыште 21-ше, 15-ше ийыште 28-ше вер лийын. Тидыжат оҥай: кира спорт дене личный первенствыште Светлана Данилова кокымшо верым сеҥен налын.