Шке кундеметым чын оза семын йӧратет гын…

Медведево районысо Юбилейный посёлкышто илыше калык «Тазалык» проект дене вес ийын верысе инициативе программыш пураш шонат. Посёлко рӱдыштӧ спорт зоным тӱзландараш палемденыт. Тушто спорт да моло тӱшка мероприятий- влак эртаралтыт. Юбилейный посёлко ик гана веле огыл верысе инициативылан полшышо да моло программылаш ушнен. Мутлан, кодшо ийын федерал программе почеш верысе школышто спортзалым капитально олмыктымо ыле.