Марий Эл Кугыжаныш парымжым иземден толеш

Кодшо кечылаште план почеш республикын кугыжаныш парымжын ужашыжым тӱлымӧ. Тудын радамыште: Республикын бюжетыштыже кодшо оксаш ешараш федерал бюджет гыч налме ик миллион теҥге бюджет кредитым да 574 миллион теҥге коммерций кредитым. Тыге тений 16-шо сентябрьлан Марий Элын кугыжаныш парымже 12 миллиардат 390 миллион теҥге кодын. Тений идалык тӱҥалтыш гыч тудо 894 миллион теҥгелан шагалемын. Парымым иземдымаш Республикысе правительствын виктарыме политикын ужашыжлан шотлалтеш. Тений чылаже парымын кугытшым ик миллиардат 294 миллион теҥгелан шагалемдаш палемдыме. Республикын законжо дене келшышын 2020-шо ий 1-ше январьлан парым 11 миллиардат 990 миллион теҥге кодшаш.